Ehrenfester Zunftmeister
Ehrenfeste Altzunftmeister
Wohlwyser Rat
Verehrte Gäste
Liebe Zünftler
Heute habe ich in Ihrer Mitte einen wunderbaren und unvergesslichen Tag geniessen dürfen! Ich danke Ihnen herzlich für die Einladung und die warmherzige Betreuung, die ich erfahren durfte. Ich freue mich sehr, hier an diesem traditionellen Anlass Ihr Gast zu sein und bei dieser Gelegenheit ein paar Worte an Sie richten zu dürfen.
Es ist ja nicht so, dass ich aus einer fasnachtslosen Region komme – im Gegenteil. Auch in Nidwalden gibt es zunftähnliche Gesellschaften. Natürlich sind sie nicht so perfekt organisiert und treten nicht so prominent in Erscheinung wie ihre Zunft in Luzern. Aber in unserem Hauptort gibt es den „Unüberwindlichen Grossen Rat von Stans“ und den „Kleinen Rat von Stans“. Der kleine Rat setzt sich aus Handwerkern, Kaufleuten, Geschäftsinhabern und Politikern zusammen und ist damals als Gegenpol zum „Unüberwindlichen Grossen Rat“ gegründet worden, weil dieser nur Aristokraten und keine liberalen Gewerbler in seinen Reihen haben wollte. In den Statuten des Kleinen Rats steht daher seit der Gründung klipp und klar: „Der Kleine Rat hat den Zweck, den Grossen Rat an Zwecklosigkeit zu übertreffen.“
Ich habe mich länger gefragt, was ich Ihnen heute erzählen soll. Soll ich das Verbindende zwischen unseren Kantonen betonen oder auf Gegensätze hinweisen? Ich habe mich für das Verbindende entschieden, da ich ernüchtert festgestellt habe, dass weder die Luzerner noch die Nidwaldner Fasnacht als Kandidaten für das UNESCO-Kulturerbe nominiert worden sind…
Darum erlauben Sie mir sicher, geschätzte Anwesende, dass ich meine kurze Rede in Versform vortrage und so näher bei den wohl bald UNESCO-geschützten Basler Schnitzelbänken bin.
Gschätzti Zynftler, wiän iyär sichär alli gheerid
Bin ich nyd inärä Luzärner Zunft agheerig
Ich regiära z’Nidwaldä und läbä z’Hergiswil
Vo Luzärn bestens erschlossä midäm rote ZB Pfil
Ay z’Nidwaldä wird guuged, verkleidät und intrigiert
Da git sich ay mängä Würdäträger ganz ungeniert
Ufdä Strassä gsehsch gstandni Mannä in Straps und Chind als Harry Potter
Ja, ay Zynft gids bi eys hindäräm Lopper
Natyrlich ischäs nid vergleychbar mit äm grossä Luzärn
Mitäm Urknall, Umzug, Färnseh-Liveüberträgig und äm infernale Lärm
Mitäm Aito isch äs ä chli schwierig wordä bi eych
Mit Abbiegeverbot, Busspurä und all dem Seich
Wenn vom Pilatusplatz schnell zum KKL wettsch glangä
De fahrsch jetzt am Beste übär Ziri, Bärn – oder Aarwangä
Drum isch äs keis Wundär, tued sich hyt so mängä fragä
Warum sich so wenig Aytofahrer zum Ichayfä i eychi Stadt tiänd ine wage
Isch doch logisch, eychers Verkehrskonzept isch viu viu z’kompliziert
Ich, a eychärä Stell hätti scho längstens by eychäm Buidiräktär reklamiert
Vo dä grossä Schwanäplag by eys hend iär sichär ai scho gheerd
Das isch saudumm gloffä – und hed mich ay gsteerd
Schliässlich sind diä Viicher vo Luzärn här ygwandäräd
Eysi Justizdiräktorin häig eys ai d’Ohrä voll gjammäräd
Asyl hemmär eychnä Vegl aber nyd chennä gäh
Drum hed d’Regiärig halt miässä s’Gwehr fyrä näh
Denn diä Schwän hend g’fährdät dä Strassä- und Flugverkehr
Jetzt hemmär sie freigäh – zum gnüsslichä Verzehr
Abär wartid nur, liäbi Luzärner, dä Schwanägsang wird no Folgä ha
Mir sind amenä Konzept, de ganz Regierigsrat schaffet hert dra
Denn eifach so derfid eychi Schwän eysä Luftrum nid ubärnäh
Ich bi fascht sicher, das wird de no ä Returkutschä gäh
Än Teil vo eysärä Luftverteidigung staht ja bi eych ufäm Flugplatz z’Ämmä
Viel usrangierts Armeematerial wie d’Tiger und FA-18 stahd det am Schärmä
By eys z’Nidwaldä, da wird ai a Flugzeyg gschaffät – aber a neyä
Wartid nur, de ney Pilatus-Jet PC 24 wird eychi Ohre bald ay erfräyä
Bi seynä Testfliig i dem Jahr ubäräm Vierwaldstättersee
Wärdid yär de diä technisch Uberlägäheit vo eys Nidwaldner no irdücklich gseh
Yär schickid eys Schwän und miär schickid eych mit äm Finanzusgliich Gäld
Das chund mär mängisch scho vor wienä verchehrti Wält!
Jetzt hend yär dä tiefsti Gwinnstürsatz
Und verweysid eys dur das ufänä Ehräplatz
Mit attraktivä Massnahmä tiänd yär Firmä aalockä
Und via Finanzusgliich dä chley und nätti Nachbarkanton abzockä!
Das isch ganz scheen fräch – liäbi Luzärnär
Aber miär sind scho no froh, sind iär nyd ganz so teyr wie d’Bärnär!
Ay mit eychnä Hotel machid yär Schlagzeilä – ich säg eych jetzt mal ganz im Vertruiä
Mit denä Russische Oligarchä chasch doch neyd Nachhaltigs fyr d’Zuäkunft buiä
Das mitäm altehrwürdigä Hotel Gütsch chund nyd so rächt zum Laifä
Mir Nidwaldner sägid eych, yär miänd eychi Hotel hald amänä Schäich verchaife!
Ufäm Bürgästock zum Beyspiel, da buiyd diä eppis ganz Prächtigs und mid Firlefanz
Zwar ohni kommunistischäm Schwarzgäld drfiir mängisch ay mit ämänä Affätanz
So ich meinti, das wärid jetzt gnuäg Gschichtä
Obwohl ich no viu wissti z’brichtä
Aber als Politikär weiss ich doch ganz genai wiä mä d’Stimmig tuäd hebä
ganz eifach – ich tuäs eych verratä – eifach nid lang redä!
und drum liäbä Frischivater, liäbi Zynftler, liäbi Leyt
wynsch ich eych allnä weytärhin ä wunderbari Fasnachtszeyt!